16 мая 2012 г.
Районти халăха ĕçпе тивĕçтерекен центр çынсене ĕçе вырнаçтарас тĕллевпе тăтăшах вакансисен ярмăрркисем йĕркелет. Акă 2012 çулта кăна эпир 3 ярмăркка ирттертĕмĕр. Вĕсен вăхăтĕнче ĕçсĕр 35 çынна ĕç вырăнĕсем тупса патăмăр.
Ярмăрккăсем малашне кашни уйăхрах ирттерме плана кĕртнĕ. Кун пек мероприятисем пире ĕç паракансемпе тачă çыхăну тытма пулăшаççĕ. Районти пур предприятипе организаци ертÿçисене ярмăрккăсене хутшăнма сĕнетпĕр.
Ĕçсĕрлĕх шайĕ чакса пырасса шанас килет. Центр специалисчĕсем çак тĕллевпе ĕçлеççĕ те ĕнтĕ, йывăрлăха лекнисене пулăшма васкаççĕ.
Источник: "Каçал Ен"