18 апреля 2012 г.
Кунсерен ферма сукмакне такăрлатать «Восток» ЯХПКри Вера Шикова доярка. Ирхине те, каçпа та хăйне уйăрса панă 25 ĕне патне васкать вăл. Айăн-çийĕн çавăракан çил-тăман та, витререн тăкнă пек лÿшкекен çумăр та хăратмаççĕ ăна. Ара, ĕнесен хырăмĕ пур пĕр выçать-çке, сĕтне те суса илмесĕр хăварма çук.
Ку ĕçре 6 çул çеç вăй хурать пулсан та кăтартусемпе палăрма ĕлкĕрнĕ доярка. Пĕлтĕр вăл кашни ĕнерен вăтамран 5993-шер килограмм сĕт суса илсе районта чи малтисен шутне кĕнĕ. «Çак ятпа район пуçлăхĕсем парне парса чыслани тата та тăрăшуллăрах ĕçлеме хистет, ÿсĕмсем тума хавхалантарать»,— тет Вера Васильевна.
Источник: "Каçал Ен"