Публикации » Волейболла вылянă

14 апреля 2012 г.

Çуркуннехи каникул вăхăтĕнче вĕренÿ тытăмĕн ĕçченĕсем хушшинче волейбол ăмăртăвĕ ирттерсе 2011—2012 вĕренÿ çулĕнчи Спартакиадăна хупнă. Спартакиадăна кĕртнĕ 6 спорт тĕсĕ хушшинче волейбол чи анлă сарăлнисенчен пĕри пулнине ăмăртăва йышлăн хутшăнни çирĕплетет. Пурĕ 26 команда вылянă. Ар çынсен командисем хушшинче Комсомольски 2-мĕш вăтам шкулĕн ĕçченĕсем çĕнтернĕ. Комсомольски 1-мĕш вăтам шкулĕн тата «Кĕтне» ФСКн командисем 2-мĕшпе 3-мĕш вырăнсене пайланă. Хĕрарăмсем хушшинче нĕркеçсем — 1-мĕш, районти вĕренÿ пайĕн ĕçченĕсем — 2-мĕш, шурутсем 3-мĕш пулнă. Хутăш командăсем хушшинче Шурут вăтам шкулĕн команди куçса çÿрекен кубока тивĕçнĕ. 2-мĕш вырăна — хырайĕнелсем, 3-мĕшне александровкăсем тухнă.

Источник: "Каçал Ен"