28 марта 2012 г.
Çуркунне килме васкаманнине кура йĕлтĕрпе ярăнма юратакансем мартăн 25-мĕшĕнче Комсомольски вăрман уçланкине пухăнчĕç. Ăмăртăва Александровкăран, Киров поселокĕнчен, Кĕçĕн Каçалтан тата Комсомольскинчен килнĕ йĕлтĕрçĕсем хутшăнчĕç.
Çанталăк питĕ аван пулни пуçтарăннисен кăмăлне тата та хăпартлантарчĕ. Ăмăртăва йĕркелекенĕ «Промкерамика» ОООн генеральнăй директорĕ Владимир Васильев пулчĕ. Вăл йĕлтĕрçĕсене Хисеп грамотисем тата парнесем парса чысларĕ.
Йĕлтĕрпе ярăнас текенсем сахалăн пулни кăшт кăмăла хуçрĕ. Хальхи вăхăтра кашни çемьере тенĕ пекех çăмăл машина пур. Мĕншĕн канмалли кунсенче пĕрле пухăнса вăрмана йĕлтĕрпе ярăнма каяс мар? Çуркунне çитиччен нумай юлмарĕ, юр ирĕлсе пĕтиччен вăрманти уçă сывлăшпа киленсе сывлăха çирĕплетме ĕлкĕресчĕ.
Источник: "Каçал Ен"