17 марта 2012 г.
Иртнĕ юн кун, мартăн 14-мĕшĕнче, райадминистрацин ларусем ирттермелли Пысăк залĕнче район Пухăвĕн депутачĕсен черетсĕр ларăвĕ иртрĕ.
Ларура депутатсем район администрацийĕн пуçлăхĕ Г.Ф.Волков вăхăт çитмесĕрех райадминистрацин пуçлăхĕн полномочийĕсене мартăн 14-мĕшĕнчен пăрахма — хăй ирĕкĕпе отставкăна кайма ыйтса çырнипе паллашрĕç, унăн ыйтăвне тивĕçтерес тесе йышăнчĕç. Унтан вĕсем вăхăтлăха район администрацийĕн пуçлăхĕн тивĕçĕсене туса пыма райадминистраци пуçлăхĕн пĕрремĕш çумне Михаил Романович Афанасьева шанчĕç.
Çавăн пекех ларура депутатсем район администрацийĕн пуçлăхне конкурс тăрăх палăртма комисси туса хучĕç. Комисси членĕсен йышне район пуçлăхне — район Пухăвĕн депутачĕсен Пухăвĕн председательне, райпо канашĕн председательне Е.И.Карпеева, район администрацийĕн управляющине Ю.В. Скворцова, Аслă Çĕрпÿел ял поселенийĕн пуçлăхне Г.Г.Ракчеева, район Пухăвĕн депутачĕсене — «Восток», «Дружба» ЯХПК председателĕсене В.Г.Михеева тата Р.М.Мансурова, Комсомольскинчи газ участокĕн начальникне Н.Г.Можаева кĕртме йышăнчĕç. Ăна çирĕплетме Чăваш Республикин Пуçлăхĕ патне ыйтса çырмаллине палăртрĕç.
Источник: "Каçал Ен"