14 марта 2012 г.
Иртнĕ кунсенче «Кубняночка» халăх вокал ансамблĕ сцена çине тухнăранпа 25 çул çитнине паллă турĕç. Районти пĕр уяв та çак ушкăнсăр иртмест тесен те тĕрĕс. Халăх юратăвне çухатас мар тесе шав малалла ăнтăлаççĕ вĕсем. Кунта, паллах, ансамбль ертÿçин Альбина Кокшинан тÿпи пысăк.
Чи малтанах пухăннисене район администрацийĕн пуçлăхĕ Геннадий Волков, район администрацийĕн культура секторĕн начальникĕ Василий Васильев, Комсомольскинчи ача-пăча искусство шкулĕн директорĕ Ферит Гибатдинов, культурăпа кану центрĕн ертÿçи Сергей Журавлев тата ыттисем те сăмах каларĕç, ансамблистсене малашне те ăнăçу сунчĕç.
Районти чылай смотрпа фестивалĕн çĕнтерÿçи пулнă ансамблĕн участникĕсене Хисеп тата Тав хучĕсем парса чысларĕç. Акă, Людмила Галкина, Светлана Игонина, Елена Хораськина, Лариса Носова, Ирина Николаева, Наталья Макаренкова, Ирина Тихонова, Николай Ананьев тата Владимир Митюков Комсомольскинчи культурăпа кану центрĕн Хисеп грамотисене тивĕçрĕç. Район администрацийĕ те ăста юрăçсене наградăларĕ. Унăн Хисеп грамотисемпе Альбинăпа Виктор Кокшинсене, Марина Волковăна, Петр Зайцева, Антонина Дмитриевăна, Елена Николаевăна, Елена Гордеевăна, Людмила Нямуковăна чысларĕç. Уявра юбилей ячĕпе Чăваш Республикин Халăх пултарулăх çурчĕн Хисеп грамотисене тивĕçекенсем те пулчĕç. Вĕсем: Николай Кисапов, Маргарита Федорова, Людмила Симендеева, Галина Быкова, Ирина Саванина, Галинăпа Михаил Буслаевсем. Çавăн пекех Римма Красновăпа Валентина Яковлева «Кубняночка» ансамбльпе нумай çул тачă çыхăну тытнăшăн тав сăмахĕсене тивĕçрĕç.
Юбилее халалласа ансамблистсем пысăк концерт пачĕç. Вĕсемпе пĕрле Комсомольскинчи ача-пăча искусство шкулĕн «Островок» ушкăнĕ те (ертÿçи Татьяна Иванова), «Мишар» ансамбль ташăсемпе куракансене савăк кăмăл кÿчĕç. Тĕп хуламăртан килнĕ Елизаветăпа Константин Ченакинсем, Тукай ял поселенийĕн пултарулăх ушкăнĕ юрăсем шăрантарчĕç.
Ансамбль ертÿçи Альбина Кокшина юбилей каçне йĕркелеме пулăшакансене тав турĕ.
Тав сăмахĕсене Е.Карпеев, Е.Карпеева, Ф.Абитов, Н.Иванов, В.Шипатов, В.Агамирян, Е.Кополухина, В.Долгова, А.Степанова тивĕçрĕç.
Источник: "Каçал Ен"