14 марта 2012 г.
Иртнĕ кунсенче Çĕнĕ Шупашкарта шкул ачисем хушшинче дзюдо кĕрешĕвĕн спартакиади иртрĕ. Унта пирĕн район спортсменĕсем те хутшăнчĕç. 50 килограмлисенчен Геннадий Школьников пĕрремĕш вырăна çĕнсе илчĕ, Вячеслав Калашников (60 кг) иккĕмĕш пулчĕ. Хĕр ачасем те ăсталăхпа палăрчĕç. Рая Школьниковăпа Мальвина Корсунова (32 кг), Людмила Суюкова (48 кг) виççĕмĕш вырăнсене тухрĕç.
Сăмах май, Тутарстан Республикинчи Пĕтĕм Раççейри пиçиххипе çыхăнса кĕрешекенсен турнирĕнче Ренат Хамбиков (100 кг) хĕрÿ тупăшура пĕрремĕш вырăна çĕнсе илнĕ.
Источник: "Каçал Ен"