14 марта 2012 г.
Мартăн 16-мĕшĕнче «Каçал» халăх фольклор ансамблĕ Турци çĕр-шывĕн Анкара хулине тухса каять. Унта мартăн 17-мĕшĕнчен пуçласа апрелĕн 1-мĕшĕччен тĕрĕк чĕлхеллĕ халăхсен «Навруз байрамы» уявĕ иртет.
«Икĕ сехете яхăн тăсăлакан программăна çĕнĕ номерсем те кĕртрĕмĕр. Пысăк сцена çинче Турци халăхне чăваш юррисемпе кăна мар, ултă тĕрлĕ ташăпа паллаштарăпăр»,— терĕ ансамбль руководителĕ Владимир Павлов.
Сăмах май, «Каçал» фольклор ансамблĕ Турцире пурĕ 17 хулана çитсе пултарулăхне кăтартĕ.
Источник: "Каçал Ен"