07 марта 2012 г.
Иртнĕ кунсенче Кĕçĕн Каçалти информаципе культура центрĕнче 90 çул тултарнă Т.С.Яковлевăна савăнăçлă лару-тăрура чысларĕç.
Мĕн ватăличчен колхозра ĕçленĕ Таисия Семеновнăна саламлама кÿршĕ-арши, ял-йыш, тус-тăванĕсем пухăнчĕç.
Комсомольски ял поселенийĕн администрацийĕ ячĕпе культурăпа кану центрĕн директорĕ С.Н.Журавлев сăмах каларĕ, юбиляра канлĕ ватлăх, çемьере татулăх сунчĕ.
Ун хыççăн культура тытăмĕн ĕçченĕсем юрăсем шăрантарчĕç, савăк кăмăл парнелерĕç.
Сцена çине П.Марин, Н.Жирнова, К.Кадкина пĕрин хыççăн тепри тухса Т.Яковлевăна ăшă сăмахсем каларĕç. Юбилей каçĕнче Таисия Семеновнăна хĕрĕ, мăнукĕ саламларĕç, ырлăх-сывлăх сунчĕç.
Источник: "Каçал Ен"