29 февраля 2012 г.
Нарăсăн 26-мĕшĕнче Комсомольски 2-мĕш вăтам шкулĕн спорт залĕнче районти вĕренÿ учрежденийĕсен профсоюз членĕсем черетлĕ ăмăртăва пухăнчĕç. Пăшалтан тĕл перессипе пурĕ 19 команда тупăшрĕ. Кашни ушкăнра — 2-шер хĕр-арăмпа ар çын.
Чи лайăх тĕл перекенсем — Комсомольски 1-мĕш вăтам шкулĕн ĕçченĕсем. Г.Миронов, В.Гордеев, Л.Яковлева, Л.Глинкина пурĕ 156 очко пухса хăйсен командипе пĕрремĕш вырăна тухрĕç.
Г.Миронов 42, Л.Яковлева 43 очколлă пулса ар çынсемпе хĕрарăмсем хушшинче çĕн-терÿçĕ пулса тăчĕç. Командăсенчен призерсем шутĕнче — хырхĕррисемпе комсомольскисем (2-мĕш вăтам шкул).
Пăшалтан тĕл перекенсен ăмăртăвне хутшăннисем килĕсене пурте тулли кăмăлпа саланчĕç. Ĕçпе кăна мар, пĕр-пĕринпе çакăн пек интереслĕ самантсенче тĕл пулса калаçни питех те аван.
Çитес ăмăрту вара йĕлтĕр йĕрĕ çинче пулĕ. Спорта юратакансем кунта та активлă, хастар пуласса шанатпăр.
Источник: "Каçал Ен"