29 февраля 2012 г.
Февралĕн 23-мĕшĕнче районти культурăпа кану центрĕнче савăнăçлă мероприяти иртнĕ. Ăна Çĕр-шыв хÿтĕлевçин кунне халалланă.
Чи малтанах пухăннисене уяв ячĕпе район пуçлăхĕ Евгений Карпеев, ЧР çар комиссариачĕн Комсомольски тата Елчĕк районĕсенчи уйрăмĕн начальникĕ Андрей Маурин саламланă, ырлăх-сывлăх суннă.
Зарина, Марина Волкова тата Ольга Буслаева шăрантарнă юрăсем куракансен чĕрисене тыткăнланă. Ачасен районти искусство шкулĕн «Островок» ушкăнĕ те залри çынсене ташăсемпе савăк кăмăл парнеленĕ.
Мĕнле уяв-ха вăл «Кубняночка» тата «Каçал» халăх фольклор ансамблĕсемсĕр; Вĕсем темиçе хутчен те сцена çине тухса юрăсем юрланă, тĕрлĕ музыка композицийĕсемпе тĕлĕнтернĕ.
Ар çынсен нумай пулмасть йĕркеленнĕ ансамбльне те куракансем кăмăлланă. Вĕсем хут купăс каласа юрăсем шăрантарса пухăннисен кăмăл-туйăмĕсене çĕкленĕ.
Источник: "Каçал Ен"