25 февраля 2012 г.
Районти тĕп больница ĕçченĕсем тăтăшах спорт мероприятийĕсене хутшăнаççĕ, çĕнтерÿçĕ пулаççĕ.
Акă, нумаях пулмасть вĕсем Чăваш Республикинчи Сывлăх сыхлавĕн тытăмĕнчи профсоюзсем хушшинче йĕлтĕрпе чупас енĕпе ирттернĕ ăмăртăва хутшăнчĕç. Пирĕн районти медицина ĕçченĕсен команди виççĕмĕш вырăн çĕнсе илчĕ.
Аслăрах çулхисенчен Алексей Самаркин пĕр километрлă дистанцие пĕрремĕш чупса тухрĕ. Юрий Кольцовпа Николай Волков та лайăх кăтартусемпе чупрĕç, финиша хăйсен çулĕсенчи йĕлтĕрçĕсенчен виççĕмĕшсем çитрĕç.
Ăмăртура Гордеевсен çемье команди те палăрчĕ. Эстафета чупса Людмила, Владимир тата Стас пьедесталăн виççĕмĕш картлашки çине хăпарма тивĕçрĕç.
Йĕлтĕрпе чупса район чысне хÿтĕлекенсене пурне те ятранах асăнас килет. Вĕсем: Василий Краснов, Елена Сергеева, Вениамин Кокшин, Марина Атаманова, Елена Тарасова.
Ăмăрту питĕ хаваслă иртрĕ. Мероприятипе пурте кăмăллă юлчĕç.
Источник: "Каçал Ен"