22 февраля 2012 г.
Кăçалхи çул 3 ял хуçалăх предприятийĕнче ертÿçĕсем улшăнчĕç. Акă «Труд» кооператива кăрлач пуçламăшĕнчен Ремис Минхалимович ШАРАФУТДИНОВ ертсе пырать. Нарăс уйăхĕнче иртнĕ отчетпа суйлав пухăвĕсенче тата икĕ хуçалăхăн ертÿçисем улшăннă. «Рассвета» (Тукай) малашне Вячеслав Анатольевич НИКИФОРОВ, «Заря» кооператива вара (Çĕнĕ Мăратпа Вутлан) Владимир Анатольевич МАКАРОВ ертсе пырĕç. Çĕнĕ председательсем пурте çамрăк, вăйпитти. Р.Шарафутдинов 1974 çулта çуралнă, В.Никифоровпа В.Макаров —1983 çулхисем. Виççĕшĕ те Чăваш патшалăх ял хуçалăх академийĕнче аслă пĕлÿ илнĕ. Ремис – зоотехник, Вячеславпа Владимир вара агроном дипломĕллĕ.
Çамрăк ертÿçĕсене ĕçре ăнăçу сунатпăр.
Источник: "Каçал Ен"