Публикации » Депутатсен Пухăвĕн черетлĕ ларăвĕнче

08 февраля 2012 г.

Февралĕн 6-мĕшĕнче администрацин пысăк залĕнче район депутачĕсен Пухăвĕн черетлĕ ларăвĕ иртрĕ. Ларăва хутшăнакансене кун йĕркинчи 3 ыйтупа район администрацийĕн юридици секторĕн заведующийĕ Алина Житарева, специалист-эксперчĕ Айрат Ямалетдинов, экономика, çĕр тата пурлăх хутшăнăвĕсен пайĕн начальникĕ Марина Титова паллаштарчĕç. Депутатсем ЧР Комсомольски районĕн Уставне улшăнусем кĕртме йышăнчĕç, вырăнти самоуправлени органĕсенче ĕçлесе пенсие тухнисене уйăхсерен паракан хушма тÿлев виçи çинчен калакан Положение çирĕплетрĕç. Çавăн пекех Комсомольски районĕн депутачĕсен Пухăвĕн 2007 çулхи 6/134"-лĕ «Муниципаллă харпăрлăхри пурăнмалли мар помещенисене арендăна памалли йĕрке çинчен» йышăнăва улшăнусем кĕртме сĕнчĕç.

Источник: "Каçал Ен"