08 февраля 2012 г.
Россия Федерацийĕн Президентне суйламалли кун, мартăн 4-мĕшĕ, çывхарсах пырать. Комсомольски территориллĕ суйлав комиссийĕ районта пурăнакан кашни çын суйлав правипе туллин усă курма пултартăр тесе тăрăшать. Çавăнпах январĕн 18-мĕшĕнчен пуçласа ирĕклĕ сасăлав правиллĕ удостоверенисем (открепительное удостоверение) пама пуçланă. Енчен те эсир 2012 çулхи мартăн 4-мĕшĕнче тĕрлĕ сăлтавпа (чирлесе больницăра выртсан, Чăваш Ен тулашне ĕçлеме тухса кайсан, т.ыт.те) хăвăра списока кĕртнĕ суйлав участокне çитеймесен, маларах ирĕклĕ сасăлав удостоверенийĕ илсе хурăр. Унпа Раççейĕн кирек хăш кĕтесĕнче те сасăлама май пур.
Комсомольски ТСК çакнашкал удостоверенисене январĕн 18-мĕшĕнчен пама пуçланă, унта ăна февралĕн 12-мĕшĕччен илме май пур. Февралĕн 13-мĕшĕ — мартăн 3-мĕшĕсенче вара ирĕклĕ сасăлав удостоверенийĕсене хăвăра суйлавçăсен списокне кĕртнĕ суйлав участокĕсенче парĕç.
Источник: "Каçал Ен"