01 февраля 2012 г.
Иртнĕ кунсенче Шупашкарта кире пуканĕ йăтакансем хушшинче спартакиада иртнĕ. Унта пирĕн район вĕренекенĕсем хутшăннă.
Хĕрÿ тупăшура 27 командăран район спортсменĕсем 117 балл пухса 4-мĕш вырăна тухнă.
10 вĕренекенрен чи лайăх çитĕнÿ — Петр Игнатьевăн (Çĕнĕ Мăрат). Вăл 2-мĕш вырăн йышăннă, пĕрремĕш аслă разряд нормативĕсене пурнăçланă.
Команда тренерĕ Николай Андреев ытти спортсменсен кăтартăвĕсемпе те кăмăллă. Акă, Д.Кабалин — виççĕмĕш, К.Павлова, Д.Шишкалов — тăваттăмĕш, В.Толокнов — пиллĕкмĕш, Е.Шельтямов улттăмĕш вырăнсене йышăннă.
Источник: "Каçал Ен"