01 февраля 2012 г.
Раççей Пенси фончĕн Чăваш Енри уйрăмĕ вĕренекенсем хушшинче сочиненисен конкурсĕ ирттерет. Унăн тĕллевĕ — ачасен пенси пĕлĕвĕ мĕнле шайра пулнине тĕпчесси. Конкурса 9—11-мĕш классенче вĕренекен шкул ачисем, професси училищисен, колледжсен тата техникумсен вĕренекенĕсем хутшăнма пултараççĕ. Сочиненисен тематики — пенси страхованин системи, пулас пенсие ÿстермелли мелсем, пенси накопленийĕсен инвестированийĕ, патшалăх софинансированин программи.
Конкурсăн 1-мĕш тапхăрĕ район шайĕнче иртет. Пенси фончĕн районсемпе хуласенчи уйрăмĕсем сочиненисене 2012 çулхи февралĕн 15-мĕшĕччен йышăнаççĕ, 4 çĕнтерÿçĕ (кашни номинацире пĕрер) палăртаççĕ.
2-мĕш тапхăр республика шайĕнче иртет. Çĕнтерÿçĕсене февраль вĕçĕнче палăртĕç. Вĕсене дипломсемпе чыслĕç тата Чăваш Ен Наци телерадиокомпанийĕ валли аудиороликсем çырнă çĕре хутшăнтарĕç. Унта вĕсен кĕскен хăйсем çинчен каласа парса сочиненин пĕр пайне вуласа памалла пулĕ.
Источник: "Каçал Ен"