28 января 2012 г.
Комсомольски территориллĕ суйлав комиссийĕ район çыннисене Чăваш Республикин Патшалăх Канашĕн суйлавне хутшăннă кандидатсен финанс отчечĕсемпе паллаштарасшăн. Аса илтеретпĕр, Комсомольски пĕр мандатлă 7-мĕш округĕпе суйлава 6 кандидат хутшăннă. Вĕсенчен пĕри, Сергей Борисович ПЕТРОВ, суйлав фондне пачах уçман.
Геннадий Иванович ЗАЙЦЕВ кандидатăн суйлав фондĕнче 12000 тенкĕ укçа пулнă. Вĕсене пичет тата ытти агитаци материалĕсене хатĕрленĕ, суйлав кампанийĕ вăхăтĕнчи ĕçсене пурнăçланă çĕре янă.
Валерий Ефимович КОЛЬЦОВĂН суйлав фондне 20100 тенкĕ пырса кĕнĕ. Вĕсенчен çирĕм пинĕшне ăна кандидата тăратнă политика партийĕ куçарнă, 100 тенки — хăйĕн. Хаçатра пичетленнĕ агитаци материалĕшĕн 1000 тенкĕ тÿленĕ, ытти суммăна пичет тата агитаци материалĕсене хатĕрлеме, суйлав кампанийĕ вăхăтĕнчи ĕçсене пурнăçлама тăкакланă.
Алексей Юриевич ЛАПШИН кандидатăн суйлав фондне 150000 тенкĕ укçа пырса кĕнĕ. Çак суммăран хаçатсене 6000, пичет тата ытти агитаци материалĕсене хатĕрлеме 100936 тенкĕ, граждансемпе юридици сăпатĕнче тăракансене договорпа 24300 тенкĕ тÿленĕ.
Анатолий Александрович МИТРОФАНОВ кандидатăн суйлав фондĕнче пĕтĕмпе 10100 тенкĕ укçа пулнă. Вĕсене йăлтах суйлавçăсен алă пуснине пуçтаракансене тÿлеме янă.
Кияметдин Садыртдинович МИФТАХУТДИНОВ кандидатăн суйлав фондне пурĕ 907500 тенкĕ укçа пырса кĕнĕ. Кандидат 707500 тенкине пичет тата ытти агитаци материалĕсене хатĕрлеме, информаци, консультаци сĕмĕллĕ ĕçсемшĕн, хаçатсенче пичетленнĕ материалсемшĕн тата ыттишĕн тÿлеме тăкакланă.
Источник: "Каçал Ен"