28 января 2012 г.
ЧР Шалти ĕçсен министерстви массăллă информаци ха-тĕрĕсенче тухнă материалсен конкурсне çулсеренех ирттерет. 2011 çулта çакнашкал конкурс вун тăваттăмĕш хут пулчĕ. Унта республика (4), район, ведомство хаçачĕсенчен (30) материалсем, çавăн пекех видеосюжетсемпе радиокорреспонденцисем тăратнă. Январĕн 24-мĕшĕнче Шалти ĕçсен министерствинче конкурс пĕтĕмлетĕвĕсене турĕç. Сергей Семенов министр малтанах журналистсене ăшшăн саламларĕ, тачă çыхăну тытнăшăн, профилактика ĕçĕнче пулăшу панăшăн тав турĕ, хăйсен ĕçĕ-хĕлĕпе кĕскен паллаштарчĕ. Ун хыççăн полици полковникĕ конкурс çĕнтерÿçисемпе лауреачĕсене чысларĕ.
«Каçал ен» Комсомольски район хаçачĕ» автономи учрежденийĕ çак конкурсра «За верность правоохранительной тематике» номинацире çĕнтерÿçĕсен шутне кĕрсе Диплома тата парнене тивĕçрĕ. Пирĕн ĕçе пысăка хурса хаклани хаçатçăсене савăнтарать, аванрах тăрăшма хавхалантарать.
Источник: "Каçал Ен"