18 января 2012 г.
Чăваш патшалăх филармонийĕ чăваш ача-пăча юррисене шăрантаракансен «Мехел» VI республика телевидени конкурсне хутшăнас текенсенчен заявка йышăнма пуçлать.
Конкурс çĕнĕ ятсем уçма, çамрăк юрăçсене хăйсене кăтартма, профессионалсен хаклавĕ витĕр тухма май туса парать. Çулсерен иртекен мероприятие республикăран 100 ытла ача хутшăнать.
Пултарулăх ăмăртăвне ЧР Композиторсен союзĕ, Чăваш патшалăх филармонийĕ, «ВГТРК» ФПУП, «Чăваш Ен» ГТРК ирттереççĕ.
Конкурса 6—17 çулсенчи уйрăм юрăçсем тата пултарулăх коллективĕсем хутшăнма пултараççĕ. Жюри 2 номинаципе хаклать: «Пĕччен юрласси», «Ансамбльсем тата хорсем». Хутшăнакансен инструменталлă фонограммăпа чăвашла юрă юрламалла.
Заявкăна 2012 çулхи февралĕн 7-мĕшĕччен çак адреспа йышăнаççĕ: Шупашкар хули, Президент бульварĕ, 9, Чăваш патшалăх филармонийĕ, «Мехел» конкурс (419 каб.) е 62-43-69 факспа ярса пама пултаратăр. Ыйтса пĕлмелли телефон: 8(8352) 62-11-05.
Источник: "Каçал Ен"