18 января 2012 г.
Ĕнер районти «Çĕр тата çынсем» музейре «Фантазия» ятлă курав уçăлчĕ. Ăна музей ĕçченĕсемпе пĕрле Элпуç ял поселенийĕн пуçлăхĕ Владимир Гордеев, культура çурчĕсен директорĕсем Минадора Гаврилова, Иван Анисимов тата Владимир Павлов йĕркелерĕç. Куравра ал ĕçĕсем — оригами, çыхнă кĕпе-тумтир — тата ытти те пур. Курава уçас умĕн район администрацийĕн культура секторĕн начальникĕ Василий Васильев, район администрацийĕн юрисчĕ Айрат Ямалетдинов, музей директорĕ Инна Ядрова сăмах тухса каларĕç.
Курав февралĕн 5-мĕшĕччен пырать.
Источник: "Каçал Ен"