11 января 2012 г.
Гражданла обществăна йĕркелесе тăрас тĕллеве тивĕçлĕ шайра пурнăçлама район администраци пуçлăхĕн 2011 çулхи декабрĕн 27-мĕшĕнчи 274-р №-лĕ хушăвĕпе килĕшÿллĕн район администраци пуçлăхĕ çумĕнче обществăлла совет туса хунă. Унăн членĕсем:
— районти ĕçпе вăрçă, хĕç-пăшаллă вăйсен тата право сыхлавĕн органĕсен ветеранĕсен совечĕн председателĕ Ю.Тимофеев;
— районти хĕрарăмсен совечĕн председателĕ В.Курицына;
— районти пенсионерсен совечĕн председателĕ В.Пундяков;
— ял хуçалăх ĕçĕн ветеранĕ В. Белков;
— «Урожай» колхоз председателĕ А.Ершов;
— вырăнти хăй тытăмлăх органĕсен ветеранĕ П.Муллин;
— «Афганистан ветеранĕсен Раççейри союзĕн» районти уйрăмĕн председателĕ В.Гаврилов;
— Комсомольски 2-мĕш вăтам шкулĕн директорĕ Г.Длинов;
— Хирти Явăш тĕп шкулĕн учительници А.Иванова;
— районти депутатсен Пухăвĕн депутачĕ А.Шакиров;
— Комсомольски тĕп больницин врачĕ В.Кольцов;
— райпо председателĕн çумĕ Л.Кокшина.
Обществăлла советăн ĕçне ертсе пыраканĕ — район администраци пуçлăхĕ Г.Волков. Советăн тĕп ĕçĕсем:
— район администраци пуçлăхĕ валли вырăнти тĕрлĕ ыйтусене татса пама пулăшакан сĕнÿсем хатĕрлесси;
— район администраци пуçлăхĕн йышăнăвĕсене хакласси;
— район администраци пуçлăхне хăйĕн полномочийĕсене пурнăçланă чух методикăлла пулăшу парасси;
— района аталантарас тĕллевлĕ программăсемпе плансене хатĕрлеме хутшăнасси;
— районăн социаллă-экономикăлла аталанăвне тишкересси;
— организацисемпе тата уйрăм граждансемпе тĕрлĕ ыйтусене сÿтсе явасси.
Источник: "Каçал Ен"