31 декабря 2011 г.
Иртнĕ кунсенче Кĕçĕн Çĕрпÿел вăтам шкулĕнче санитари йĕркисемпе гигиена правилисене пăхăнас енĕпе уйăхлăх иртрĕ. Ăна «Сывлăх хамăр алăра» ятпа йĕркелерĕç.
Уйăхлăх вăхăтĕнче класс ертÿçисем тĕрлĕрен темăпа калаçусем, вăйăсем ирттерчĕç.
Ачасем кашни класра сывлăх кĕтесĕ турĕç. Унта вĕренекенсем усăллă сĕнÿсемпе паллашрĕç.
А.Соловьева йĕркеленĕ «Тасалăх — сывлăх никĕсĕ» уçă урок та ачасен кăмăлне кайрĕ.
Сывлăхлă пуласси, ăна çирĕплетесси çын ачаранпах хăй пурнăçне епле йĕркелесе пынинчен килет. Çакна аван пĕлеççĕ кĕçĕнçĕрпÿелсем.
Источник: "Каçал Ен"