28 декабря 2011 г.
Кашни çулах Шупашкарта Леонид Кириллов тата Ананий Егоров республика чемпионĕсене асăнса шашка турнирĕ иртет. Ăна шашка спорчĕн федерацийĕ Шупашкар районĕн ентешлĕхĕ пулăшнипе йĕркелет.
Нумаях пулмасть çак вăййа кăмăллакансем шашка хăми умĕнче вăй виçме пуçтарăннă. Темиçе сехете пынă хĕрÿ тупăшура Михаил Ефимов, республика чемпионĕ, çĕнтерÿçĕ пулса тăнă. Иккĕмĕш вырăна Вăрнар спортсменĕ Валерий Наумов тухнă. Унран çур очко çеç сахалрах пуçтарса пирĕн ентеш Николай Индюков виççĕмĕш вырăн хуçи пулса тăнă. Палăртса хăварас килет, Н.Индюков пĕрремĕш хут мар çакăн пек турнирта çĕнтерÿçĕсен шутне кĕнĕ. Вăл районта, республикăра иртекен кашни ăмăртăва хутшăнма тăрăшать, лайăх кăтартусемпе палăрать. Ăста шашиста çĕнĕ çитĕнÿ ячĕпе саламлатпăр, малашне те район чысне хÿтĕлеме ăнăçу сунатпăр.
Источник: "Каçал Ен"