23 ноября 2011 г.
Нумаях пулмасть районти тĕп библиотекăра «Опасные мифы о наркомании» ятлă мероприяти ирттерчĕç. Унта Комсомольски 1-мĕш вăтам шкулĕнчи 9-мĕш «а» класра пĕлÿ пухакансем хутшăнчĕç.
Чи малтанах район тĕп больницин врач наркологĕ Людмила Ярышева наркотик сиенĕ пирки лекци турĕ. «Наркотик кăмăл çирĕплĕхне, ăс-тăна чакарать. Ăна пула нерв клеткисем вилеççĕ, иммун системи те хавшать»,— тесе ăнлантарчĕ ачасене шурă халатлă ĕçчен.
Ун хыççăн библиотека ĕçченĕсем «Болезнь — расплата» презентаципе паллаштарчĕç. Мероприятие хутшăннă ачасем çавăн пекех «Остановись! Не навреди. Береги» наркотик сиенĕ çинчен хатĕрленĕ кĕнекесен выставкипе те паллашма пултарчĕç.
Источник: "Каçал Ен"