16 ноября 2011 г.
Нумаях пулмасть «Дружба» ял хуçалăх производство кооперативĕн правленийĕ Ваттисен кунне ирттерчĕ. Тивĕçлĕ канăва тухнисене ырă сунса район администрацийĕн пуçлăхĕ Геннадий Волков, «Дружба» ЯХПК ертÿçи Ремис Мансуров, Элпуç ял поселенийĕн пуçлăхĕ Владимир Гордеев, ветерансен совечĕн председателĕ Евтихий Иванов тата ыттисем те сăмах каларĕç.
Каярахпа пухăннисене ял поселенийĕнчи ача садне çÿрекенсем (воспитателĕ Эльвира Николаева) юрă-ташă парнелерĕç. Ун хыççăн «Мишар» ансамбль артисчĕсем, Сергей Просвирнов юрăç тата Элпуç ял тăрăхĕнчи художество пултарулăх ушкăнĕ концертпа савăнтарчĕç.
Уява килнĕ ватăсене Галина Григорьевăпа Алена Васильева поварсем тутлă вĕри апатпа сăйларĕç.
Источник: "Каçал Ен"