12 ноября 2011 г.
Кăçалхи ноябрĕн 11-мĕшĕнче Чăваш Республикин Президенчĕ Михаил Игнатьев «Республикăри амăшĕн (çемье) капиталĕ çинчен» Указа алă пуснă. Унпа килĕшÿллĕн патшалăх паракан хушма пулăшу виçи 100 пин тенкĕпе танлашĕ. 2012 çулхи январĕн 1-мĕшĕнчен пуçласа республикăри амăшĕн капиталне виççĕмĕш тата ун хыççăнхи ача çуратнă (е усрава илнĕ) ашшĕ-амăшĕсем тивĕçĕç. Иккĕмĕш е ытларах ача çуралсан федераллă бюджетран 365698,4 тенкĕпе танлашакан амăшĕн (çемье) капиталне шута илсен, нумай ачаллă телейлĕ çемьесене патшалăх паракан пулăшу çур миллион тенке яхăн пулать.
Çакна палăртмалла: Чăваш Енре çулсеренех çакăн пек 2 пин ачана яхăн çуралать. 2015 çул тĕлне вĕсен шучĕ çулталăкра 2,5—3,0 пине çитме пултарать. Çемьесем амăш капиталĕн укçине пĕтĕмпех е пайăн-пайăн пурăнмалли условисене лайăхлатма, ачисен вĕренĕвĕ çине тата пенси укçине ÿстернĕ çĕре яма пултараççĕ.
Источник: "Каçал Ен"