03 ноября 2011 г.
Районти хуçалăхсенче кĕрхи ĕçсем вĕçленсе пыраççĕ. Мĕн çитĕнтернине пуçтарса кĕртмелли пур-ха. Ĕçсене хăвăртлатмалла. Кĕрхи çанталăк катăк ăслă текен ваттисен каларăшне асра тытмалла. Кашни уяр кунпа тĕллевлĕн усă курма тăрăшмалла.
Ноябрĕн 2-мĕшĕ тĕлне районти ял хуçалăх предприятийĕсем «иккĕмĕш çăкăра» пĕтĕмпех пуçтарса илнĕпе пĕрех. Çак кунсенче пахча çимĕç хирĕсенче те ĕçсем малалла пыраççĕ. «Дружба» ЯХПКра, «Сюрбеево» ОООра, Минатуллинăн фермер хуçалăхĕнче сахăр кăшманĕ кăлараççĕ. Çав вăхăтрах кĕрхи çĕртме тăвасси те малалла пырать.
Источник: "Каçал Ен"