29 октября 2011 г.
Район территорийĕнче сентябрĕн 26-мĕшĕнчен пуçласа октябрĕн 25-мĕшĕччен «Полици тата ачасем» операци иртрĕ. Унăн вăхăтĕнче полици ĕçченĕ-сем профилактика субъекчĕсемпе — прокуратура, район администрацийĕн вĕренÿ пайĕн ĕçченĕсемпе, ял поселенийĕсен пуçлăхĕсемпе, учительсемпе, медицина ĕçченĕсемпе тата ыттисемпе — ăнăçсăр çемьесене çитсе пурăнмалли условисене тĕрĕслерĕç, калаçусем ирттерчĕç.
Çак операци тапхăрĕнче уйрăмах Тукай ял поселенийĕн пуçлăхĕ Ольга Андреева активлăхпа палăрчĕ. Ĕçлĕ ушкăн Тăманлă Выçлири Тумаковсен, Хлебниковсен, Кураковсен, Анат Тимĕрчкассинчи Черновсен çемйисенче пулчĕ, учетра тăракан ачасемпе курса калаçрĕ. Элпуç ял поселенийĕнчи С.Григорьевăпа Е.Федорова çемйисене те çитсе профилактикăлла мероприятисем ирттертĕмĕр. Тĕслĕхрен, район администрацийĕн опекăпа попечительство специалисчĕ Т.Галзанова çитĕнекен ăрăва епле воспитани памалли çинчен лекци те вуларĕ.
Операци тапхăрĕнче Административлă Кодексăн 5.35 статйипе килĕшÿллĕн 2 протокол çыртăмăр, пăхса тухма комиссине ятăмăр.
Источник: "Каçал Ен"