22 октября 2011 г.
Октябрĕн 15-мĕшĕнче «Кĕтне» физкультурăпа спорт комплексĕн стадионĕнче пенсионерсем хушшинче паллă спортсмена С.И.Зубарева асăнса полиатлон вăййи иртрĕ. Унта хутшăннă ватăсем пневматикăлла винтовкăран перессипе, граната ывăтассипе тата 1 çухрăма чупассипе ăмăртрĕç. 70 çула çитичченхисем хушшинче 1-мĕш вырăна Хырхĕрринчи Н.Ятманов тухрĕ. Ю.Скворцовпа (Комсомольски) В.Белков (Вăрманхĕрри Чурачăк) 2-мĕшпе 3-мĕш вырăнсене йышăнчĕç.
Тепĕр ушкăнра В.Пундяков (Комсомольски) çĕнтерÿçĕ пулчĕ. Ю.Зубарев (Алексан-дровка) 2-мĕш çитрĕ. 80-ран иртнисен ушкăнĕнче 89 çулхи Р.Моисеев 1-мĕш вырăна тухрĕ.
Çĕнтерÿçĕсене ФСК директорĕ Е.А.Тихонов грамотăсем тата асăнмалăх парнесем парса чысларĕ.
Ăмăртăва йĕркелекенсене — физкультурăпа спорт комплексĕн директорне Е.А.Тихонова, Ю.И.Зубарев спонсора тата «Раççей пенсионерĕсен союзĕ» обществăлла организацин районти уйрăмне тав сăмахĕ калас килет. Çакăн пек ăмăртăва малашне те сентябрь вĕçĕнче е октябрь пуçламăшĕнче ирттерме йышăннă.
Источник: "Каçал Ен"