19 октября 2011 г.
ЧР Патшалăх Канашĕн 5-мĕш созыври депутачĕсене, районти 3 ял поселенийĕнче вырăнти хăй тытăмлăх органĕсене суйлама кандидатсем сĕнес, регистрацилес ĕç малалла пырать. Октябрĕн 14-мĕшĕнче Комсомольски территориллĕ суйлав комиссийĕ Комсомольски пĕр мандатлă 7-мĕш округĕпе Чăваш Республикин Патшалăх Канашĕн депутачĕ пулма кандидата тăратнă ГЕННАДИЙ ИВАНОВИЧ ЗАЙЦЕВА регистрациленĕ. Унăн кандидатурине «Справедливая Россия» парти сĕннĕ. Геннадий Иванович 1950 çулта çуралнă, Шупашкарта пурăнать, аслă пĕлÿллĕ, Россия Федерацийĕн Федераллă Собранийĕн Патшалăх Думин депутачĕн А.Г.Аксаковăн пулăшаканĕ.
Çавăн пекех Комсомольски пĕр мандатлă 7-мĕш округĕпе Чăваш Республикин Патшалăх Канашĕн депутачĕ пулма КИЯМЕТДИН САДЫРТДИНОВИЧ МИФТАХУТДИНОВА та регистрацилесе удостоверени панă. Унăн кандидатурине Пĕтĕм Раççейри «Единая Россия» политика партийĕ сĕннипе тăратнă. Кияметдин Садыртдинович 1953 çулта çуралнă, Урмаел ялĕнче пурăнать, аслă пĕлÿллĕ, «Газпром межрегионгаз Чебоксары» ОООн генеральнăй директорĕ.
Комсомольски 7-мĕш номерлĕ пĕр мандатлă суйлав округĕпе ЧР Патшалăх Канашĕн депутатне суйлама кандидата СЕРГЕЙ БОРИСОВИЧ ПЕТРОВА тăратнă. Вăл 1975 çулта çуралнă, ятарлă професси паракан аслă шкулта вĕреннĕ. Хальхи вăхăтра уйрăм предпринимательствăпа ĕçлет, Çĕрпÿ хулинче пурăнать. Ăна Раççейри либераллă-демократилле политика партийĕн Чăваш Енри регионти уйрăмĕ ЧР Патшалăх Канашĕн депутачĕ пулма кандидата тăратнă.
Шурут ял поселенийĕн пуçлăхĕ пулма ТАТЬЯНА НИКОЛАЕВНА КОЗЛОВĂНА кандидата тăратнă. Вăл Йÿç Шăхаль ялĕнче пурăнать, аслă пĕлÿллĕ. Хальхи вăхăтра Шурут ял поселенийĕн пуçлăхĕн тивĕçĕсене пурнăçлать. Ăна Пĕтĕм Раççейри «Единая Россия» партин Чăваш регион уйрăмĕн суйлавçисем кандидата сĕннĕ.
Кандидатсене пурне те 2011 çулхи октябрĕн 14-мĕшĕнче регистрациленĕ.
Источник: "Каçал Ен"