08 октября 2011 г.
Ветеринари ĕçченĕсем ял хуçалăх предприятийĕсен, уйрăм çынсен выльăх-чĕрлĕхĕн сывлăхĕшĕн тăрăшаççĕ, ĕçленĕ те. Вĕсем хисепе тивĕçлĕ. Ваттисен кунĕнче те çакна выльăх-чĕрлĕх чирĕсемпе кĕрешес енĕпе ĕçлекен районти станци ертÿçи Р.М.Велимухаметов палăртрĕ. Ку сăмахсем, паллах, нумай çул ветеринарире ĕçленĕ ветерансен кăмăлне кайрĕç. Çапла пулмасăр, вĕсен ĕçĕ медицина ĕçченĕсен ĕçĕ пекех пĕлтерĕшлĕ. Кирек хăш кун та, кирек хăш çанталăкра та вĕсем уйрăм хуçалăхсенчи, фермăсенчи выльăх-чĕрлĕхе пулăшу параççĕ. Г.К.Кузьмин, Р.А.Платонова, Г.Е. Софронов хăйсен аса илĕвĕсемпе паллаштарчĕç.
Юрă-кĕвĕ ватăсене татах та хавхалантарчĕ. Вĕсем хăйсене манса кайманшăн хăпартланчĕç. Пĕрле ĕçленĕ çынсене тав турĕç.
Источник: "Каçал Ен"