05 октября 2011 г.
Пĕрремĕш учителе Галина Филипповна Медведевăна халалласа.
Çавра çил пек ачалăхăм иртрĕ,
Шухă вăхăт пĕр шелсĕр шăвать.
Асăмрах-ха пĕрремĕш учитель,
Йăл кулса ман ума вăл тухать.
Шăнкăрав уçă саслăн чĕнсессĕн,
Ак учитель васкать класалла.
Çутăлать таврара вăл кĕрсессĕн,
Йăл кулли ăшăтать чунăма.
Караппа ыткăнатпăр хăюллăн,
Шавлă, шухă пĕлÿ тинĕсне.
Хыçала вăркăнса çук эс юлмăн,
Пирĕнпех-ха учитель ишет.
Тав тума, тен, сăмахăм та çитмĕ,
Пуç таятăп чунтан сан умра.
Ман юратнă пĕрремĕш учитель,
Сан умра яланах парăмра.
Источник: "Каçал Ен"