24 сентября 2011 г.
Пĕлтернĕччĕ ĕнтĕ, РФ Патшалăх Думин тата ЧР Патшалăх Канашĕн депутачĕсен суйлавĕсемпе пĕрле декабрĕн 4-мĕшĕнче районти 3 ял поселенийĕнче вырăнти хăй тытăмлăх органĕсен суйлавĕ те пулать. Сентябрĕн 21-мĕшĕнче Комсомольскинчи территориллĕ суйлав комиссийĕ Шурут ял поселенийĕн пуçлăхĕ пулма кăмăл тунă пĕрремĕш кандидата регистрациленĕ. Вăл – Ильназ Илдарович Багаутдинов, 1985 çулта çуралнă, Тутар Шурут ялĕнче пурăнать. Аслă пĕлÿллĕ, предпринимательте тăрăшать.
Вырăнти суйлава хутшăнас кăмăллă кандидатсенчен октябрĕн 24-мĕшĕччен заявлени йышăнаççĕ.
Источник: "Каçал Ен"