Публикации » Аван ăмăртнă

10 сентября 2011 г.

Пирĕн районти спортсменсем республикăра спортăн тĕрлĕ енĕсемпе ирттерекен ăмăртусене тăтăшах хутшăнаççĕ. Хальхинче ирĕклĕ майпа кĕрешекенсен ЧР Вĕренÿ тата çамрăксен политикин министерстви йĕркеленĕ Чăваш нацийĕн «Кĕрешÿ» тупăшăвĕнче хăйсен вăйне кăтартмалла пулчĕ. Спартакиадăра пур районсенчен тенĕ пекех кĕрешÿçĕсем пулчĕç. Пирĕн районтан та Н.Сахров, С.Остапиенко тренерсем хатĕрленĕ ачасем кавир çине тухрĕç. Хăйсене лайăх енчен çеç кăтартрĕç, çĕнтерÿшĕн çине тăчĕç. Хăйсен виçисенче Урмаел вăтам шкулĕнчи Р.Шакирзянов, Н.Адиев 3-мĕш вырăнсене çĕнсе илчĕç. Аслă Чурачăк вăтам шкулĕнче пĕлÿ илекен Евгений Козлов тата Станислав Григорьев иккĕмĕш вырăнсене тивĕçрĕç. Республикăри пур районти спортсменсем те çак тупăшăва хутшăннине шута илсен пирĕн район команди 4-мĕш пулни аван çитĕнÿ.

Источник: "Каçал Ен"