27 августа 2011 г.
Иртнĕ эрнере районти вăрçă тата ĕç ветеранĕсем черетлĕ канашлу ирттернĕ. Ăна Юрий Тимофеев ертсе пынă. Чи малтанах пухăннисем умĕнче район администрацийĕн пуçлăхĕ Геннадий Волков калаçнă. Çавăн пекех РФ Пенси фончĕн Комсомольски районĕнчи управлени начальникĕн çумĕ Ирина Белобаева, район администрацийĕн социаллă пулăшу пайĕн специалисчĕ Нина Зайцева тĕрлĕ ыйтусем çутатнă. Мухтавлă ентешĕмĕрĕн Совет Союзĕн икĕ хут Геройĕн Андриян Николаевăн, палăкне лартасси пирки те сÿтсе явнă район ветеранĕсем.
Ветерансен совечĕн ĕçне хастар хутшăнакансене, ĕç ветеранĕсене Хисеп грамотисем парса наградăланă. Вĕсене Т.Г.Краснова, А.И.Андреев, Г.Г.Скворцов тивĕçнĕ.
Источник: "Каçал Ен"