27 августа 2011 г.
Августăн 26-мĕшĕ тĕлне районĕпе тĕш тырăсен 10720 гектарне мĕн пур лаптăкăн 89 процентне вырнă, 10527 гектарне е 87 процентне çапса тĕшĕленĕ. Йĕтемсем çине 28 пин центнер ытла тырă кĕнĕ. Хальлĕхе вăтам тухăç кашни гектар пуçне 26,7 центнерпа танлашать. 10 хуçалăхра пĕрчĕллĕ тата пăрçа йышши тырăсене йăлтах пуçтарса илнĕ. «Слава» ЯХПК 50 гектар, «Восток» ЯХПК 130 гектар, «Урожай» колхоз 150 гектар кĕр тыррисем акнă. Районĕпе 1210 гектар çинче кĕрхи çĕртме тунă. Ку ĕçе 14 хуçалăхра пуçăннă. «Урожай» (295 гектар), «Победа» (158 гектар), «Родина» (110 гектар) хуçалăхсенче суха ĕçĕ уйрăмах аван пырать.
Районĕпе хальлĕхе 40 гектар çĕр улми кăларнă. Çак ĕç «Слава картофелю» агрофирмăра, «Кызыл сабанча», Атласкинăн, Хайретдиновăн фермер хуçалăхĕсенче пырать. «Комсомольские овощи» ОООра 5 гектар çинчен пахча çимĕç пуçтарнă.
Источник: "Каçал Ен"