24 августа 2011 г.
Асанкасси культура çурчĕ çумĕнчи агитбригада уй-хирти хĕрÿ вăхăтсенче, утçи е вырма тапхăрĕсенче «Асаново» ял хуçалăх кооперативĕн ĕçченĕсемпе тĕл пулма, вĕсене хавхалантарма çулсеренех çула тухать. Кăçал та эпир çак йăлана пăрахман. Программăра тĕрлĕрен шÿтсем, илемлĕ юрăсем пулчĕç. Ираида Карпова, Елена Маштанова, Надежда Козлова, Николай Маргиданов, Николай Карпов (ял поселенийĕн пуçлăхĕ) пултарулăхне ял ĕçченĕсем хапăлласа йышăнчĕç, кашни номершĕнех алă çупса хавхалантарчĕç. Ачасем те аслисенчен юлмарĕç. Марина Маргиданова, Маша Гаврилова, Моисей Рипанов, Владислав Калашников уй-хирте ĕçлекенсене пысăк савăнăç парнелерĕç.
Источник: "Каçал Ен"