20 августа 2011 г.
Ял хуçалăх предприятийĕсенче уй-хир ĕçĕсем пĕр самант та чарăнса тăмаççĕ. Мĕн çитĕнтернине вăхăтра пуçтарса кĕртме тăрăшаççĕ. Иртен пуçласа каçченех хирсенче машина-трактор сасси чарăнмасть.
Августăн 19-мĕшĕ тĕлне 9128 гектар çинче пĕрчĕллĕ тата пăрçа йышши тырăсем вырнă. Унтан 8706 гектарне çапса тĕшĕленĕ. Ку пуçтарса илмелли мĕн пур лаптăкăн 72 проценчĕ чухлĕ пулать. «Слава» ЯХПК, «Слава картофелю» агрофирма, «Восход», Атласкинăн фермер хуçалăхĕсем вырма ĕçне вĕçленĕ. Вăтам тухăç хальхи вăхăт тĕлне кашни гектар пуçне 26,8 центнерпа танлашать.
10 хуçалăхра кĕрхи çĕртме тума пуçланă. Ку ĕç «Урожай» колхозра, «Победа», «Труд» ял хуçалăх кооперативĕсенче аван пырать. «Урожай» колхозра 55 гектар кĕр тыррисем акнă.
Районĕпе 9774 тонна утă, 30 пине яхăн тонна сенаж хатĕрленĕ.
Источник: "Каçал Ен"