10 августа 2011 г.
Паян, компьютер ĕмĕрĕнче, ачасене вулама хăнăхтарас ыйту нихçанхинчен çивĕч тă-рать.
Комсомольскинчи 2-мĕш номерлĕ «Рябинушка» ача сачĕн воспитателĕсем шăпăрлансене пĕчĕкренех кĕнекене юратма вĕрентес тесе нумай ĕç тăваççĕ. Вĕсем кашни ушкăнра библиотека йĕркеленĕ. Пĕчĕк вулавăшсем уйрăмах илемлĕ литературăпа пуян. Ача садĕнче ĕçлекенсем тăтăшах юмахсен кунĕсем, викторинăсем, экскурсисем ирттереççĕ. Çак мероприятисене ашшĕ-амăшĕсене те явăçтарма манмаççĕ.
Нумаях пулмасть аслă ушкăнри ачасем литература викторинине хутшăнчĕç. Ăна Хыр-хĕрри библиотека заведующийĕ В.А.Горбунова тата Кĕçĕн Каçал библиотекин ĕçченĕ И.П.Албутова йĕркелерĕç. Викторинăра «вăй виçнисем» А.С.Пушкин сăввисене аван пĕлнине кăтартрĕç. Унта хутшăнакансем пурте парнесене тивĕçрĕç
Источник: "Каçал Ен"