30 июля 2011 г.
Канаш районĕнчи Асхва ялĕн стадионĕнче «Урожай» физкультурăпа спорт обществин республикăри канашĕн «Вырăс лапти» чемпионачĕ иртнĕ. Унта пирĕн районтан 2 команда хутшăннă, виççĕмĕш вырăнсене çĕнсе илнĕ. Ăмăртура хĕрсенчен Ирина Максимова (Шурут), Комсомольскинчен Вера Герасимова, Мария Чернова тата Кристина Юманова ăсталăх кăтартнă. Арçынсенчен Юрий Тихонов, Алексей Гаврилов, Александр Шадриков (пурте Комсомольскинчен) маттурлăхĕпе палăрнă.
Чăваш Республикин Физкультура, спорт тата туризм министерстви район администрацийĕн пуçлăхне Геннадий Волкова вырăс лаптине аталантарассинче пысăк çитĕнÿсемшĕн Тав çырăвĕпе чысланă.
Источник: "Каçал Ен"