Публикации » Ĕçсĕррисене — электронлă пулăшу

30 июля 2011 г.

Августăн 1-мĕшĕнчен пуçласа пирĕн республикăра халăха ĕçпе тивĕçтерекен центрсенче шутра тăракан ĕçсĕррисем, çавăн пекех ĕç паракансем (работодательсем) электронлă майпа патшалăх пулăшăвне (услугисене) илме пултараççĕ. Центра яракан электронлă çырура йышăнăва çырăнма, професси енĕпе юрăхлине тĕрĕслекен теста пурнăçлама, обществăлла ĕçсене хутшăнма ыйтса заявлени çырма юрать. Анчах пĕр условипе — çыннăн алă пуснин электронлă варианчĕ кирлĕ. Ăна кăшт укçа тÿлесе «Ростелекомра» илме пулать. Çапла вара, хаклă вăхăта перекетлесе ĕçпе тивĕçтерекен центра килсе çÿремесĕрех, килте ларсах кирлĕ пулăшу илме май пур.

Источник: "Каçал Ен"