30 июля 2011 г.
Утă уйăхĕн 30-мĕшĕ тĕлне районти 14 хуçалăх тырă вырма тухнă. 493 гектар çинчи тĕш тырра тата пăрçа йышши культурăсене çулнă, 1134 тонна тĕшĕленĕ. Тухăç кашни гектартан — 28,4 центнер. Ку вăл япăх мар кăтарту.
«Урожай» колхоз 90 гектар, «Нива» агрофирма 80 гектар, «Трудпа» «Слава» ЯХПКсем 54 гектар тата 40 гектар тĕш тырă, пăрçа йышши культурăсем пуçтарса кĕртнĕ.
Ял хуçалăх предприятийĕсенче çавăн пекех выльăх апачĕ янтăлас ĕç те пырать. Утă хатĕрлемелли плана 115 процент (8065 тонна), сенаж хывмаллине 218 процент (26352 тонна) тултарнă, силос — 8680 тонна (55 процент).
Кĕрхи культурăсене акма çĕр хатĕрлес ĕçе пикеннĕ. Районти ял хуçалăх предприятийĕсем, фермерсем ăна 6000 гектар çине акма планланă, паянхи куна 2000 гектар çĕр хатĕр.
Источник: "Каçал Ен"