20 июля 2011 г.
Кăçалхи çу уйăхĕн 10-мĕшĕнче 21 сехет те 45 минутра ÿсĕр Рамин Видали оглы Ибрагимов Комсомольскинчи «24 часа» лавкка патĕнче милици сотрудникĕсене тем те пĕр каласа пĕтернĕ. Районти шалти ĕçсен пайĕн дежурнăй чаçне илсе килсен те лăпланман, ĕç вырăнĕнче ларакан инспектора киревсĕр сăмахсемпе хăртса тăкнă. Каçхи пуçтах кунпа çеç çырлахас темен пулас, милици сотрудникне хăйĕн пуçĕпе пуçран çапса çăмăллăн амантнă. Елчĕк район сучĕн приговорĕпе Азербайджан Республикинче çуралнă, халĕ Канаш хулинче пурăнакан Р.В.Ибрагимова, 1978 çулта çуралнăскере, РФ УК 318-мĕш статйин 2-мĕш пайĕпе, РФ УК 319-мĕш статйипе преступлени тунăшăн ирĕкрен 3 çул та 1 уйăхлăха 2 çуллăх тĕрĕслев тапхăрĕпе хăтарма йышăннă. Приговора йышăннă чухне вăл хăй йăнăш тунине йышăннине, маларах уголовлă айăплавлă пулманнине, инкек тÿсекене тăкака саплаштарнине шута илнĕ.
Источник: "Каçал Ен"