20 июля 2011 г.
Кăçал районти вĕренекенсем валли шкул çумĕнче кăнтăрлахи вăхăтра сывлăха çирĕплетмелли 16 учреждени тата 4 ĕçпе кану лагерĕ уçнă. Вĕсенче 726 ача канса сывлăхне çирĕплетнĕ. Лагерьсенче инфекци ернине тата наркăмăшланнине регистрацилемен.
Роспотребнадзорăн Чăваш Республикинчи Управленийĕн Патăрьелĕнчи территори уйрăмĕн специалисчĕсем нумаях пулмасть Тукай Мишер тата Кĕçĕн Çĕрпÿел вăтам шкулĕсенче планпа пăхман тĕрĕслевсем ирттернĕ. Кунта санитари правилисене пăснă тĕслĕхсем тупса палăртнă. Тĕрĕслев хыççăн яваплă çынсене административлă протокол çырса штрафланă.
Çуллахи каникулăн хĕрÿ тапхăрĕ пырать. Хальхи шкул ачисен вĕренÿ тиевĕ пысăк, çавăнпа та ача вĕренÿре епле ĕлкĕрсе пырасси вăл каникулта мĕнле каннинчен нумай килет.
Источник: "Каçал Ен"