20 июля 2011 г.
Районти ял хуçалăх предприятийĕсем çанталăкăн уяр кунĕсемпе туллин усă кураççĕ. Июлĕн 19-мĕшĕ тĕлне нумай çул ÿсекен курăксене 4391 гектар çинче çулса хатĕрленĕ.
Пĕр çул ÿсекен курăксене 951 гектар (31 процент) çинчен пухса кĕртнĕ.
Вăхăтра утă хатĕрлес енĕпе те харсăр тăрăшаççĕ ял хуçалăх предприятийĕсен ĕçченĕсем. Пурĕ 6042 тонна (86 процент) утă пуçтарса кĕртнĕ.
Ял хуçалăх предприятийĕсем çавăн пекех 22060 тонна (182 процент) сенаж янтăланă, силос —6966 тонна (43 процент).
Уйрăмах «Урожай» колхоз (утă 460 тонна, сенаж 4950 тонна), «Труд» ЯХПК (утă 422 тонна, сенаж 2900 тонна) ĕçченĕсем пултаруллă çак ĕçре.
Çавăн пекех «Слава», «Дружба», «Восток», «Асаново», «Победа» ял хуçалăх производство кооперативĕсенче, «Искра» колхозра тăрăшакансем те выльăх апачĕ хатĕрлес ĕçре харсăр.
Источник: "Каçал Ен"