16 июля 2011 г.
Кăçалхи июлĕн 1-мĕшĕнчен Раççей Федерацийĕн «Çынсем гражданла хĕç-пăшалпа усă курасси çинчен» тата «Хĕç-пăшал çинчен» федераллă саккунсене кĕртнĕ улшăнусем вăя кĕчĕç. Вĕсемпе килĕшÿллĕн, малашне кашни çыннăн аллинче 2-шер единицăран ытларах хĕç-пăшал пулмалла мар.
Çавăн пекех утă уйăхĕн пуçламăшĕнче сунарçăсене çĕнĕ йышши билет пама пуçланă. Малашне ăна яланлăхах парĕç. Унчченхи саккун тăрăх сунарçа билет вăхăтлăха кăна панă пулнă.
Сунарçăсем! Кивĕ йышши билетсене 2012 çулхи июлĕн 1-мĕшĕччен улăштармалла. Ăна валли пирĕн пата килсе заявлени çырмалла, 2,5х3,5 сантиметрлă сăн ÿкерчĕксем, паспорт ксерокопийĕ илсе килмелле.
Источник: "Каçал Ен"