13 июля 2011 г.
Июлĕн 8-мĕшĕнче «Чăваш стандартизаципе метрологи станцийĕ» ФПУ-ра «Раççейри 2011 çулхи чи лайăх 100 тавар» конкурсăн регионти комиссийĕн ларăвĕ пулнă. Комисси пĕтĕм номинацире чи лайăххисене палăртнă.
Асăннă конкурсăн республикăри тапхăрне кăçал Шупашкар, Çĕнĕ Шупашкар, Çĕмĕрле, Канаш хулисенчи тата Комсомольски ялĕнчи предприятисемпе организацисем заявка тăратнă. Продукци пахалăхне кура регионти комисси çĕнтерÿçĕсене палăртнă. Вĕсен хушшинче комсомольскисен «Грушевый аромат» тутлă шывĕ те пур.
«Раççейри чи лайăх 100 тавар» конкурсăн лауреачĕсемпе дипломанчĕсене ноябрь уйăхĕнче Пĕтĕм тĕнчери пахалăх кунĕнче иртекен республикăри наукăпа практика конференцийĕнче чыслĕç.
«Кооператор» ООО директорĕ Евгения Карпеева конкурсăн Раççейри тапхăрне те хутшăнасси пирки пĕлтерчĕ. Унта та ăнăçу сунатпăр сире, Каçал ен кооператорĕсем!
Источник: "Каçал Ен"