13 июля 2011 г.
Иртнĕ эрне тĕрлĕ мероприятисемпе пуян пулчĕ. Июлĕн 11-мĕшĕнче райадминистраци залĕнче тĕрлĕ структурăсен ертÿçисемпе, ял поселенийĕсен пуçлăхĕсемпе ирхи планеркăра вĕсем мĕнле иртнине сÿтсе яврĕç, çитес вăхăтрах тумалли ĕçсене те палăртрĕç.
Ытти ыйтусемпе пĕрлех районта çÿп-çап тăкмалли çĕнĕ вырăн (свалка) пирки те калаçу пулчĕ. Район администрацийĕ ăна ăçта вырнаçтарасси пирки тĕрлĕ вариантсем сĕнсе пăхнă. Анчах граждансем хăйсен ялĕ çумĕнче курасшăн мар çак полигона. Кун пек пĕри те тепри райадминистраци вариантне сивлесен эпир çывăх вăхăтра саккунлă свалкăллă пулаймастпăр. Кивви вара тулса ларнă, санитарипе экологи требованийĕсене тивĕçтерми пулнă. Районта пурăнакансене хăйсен сĕнĕвĕсене капиталлă строительство, пурăнмалли çурт-йĕрпе коммуналлă хуçалăх пайне ярса пама ыйтаççĕ. Çак ыйтăва хăвăртрах татса пани хамăршăнах аван-çке.
Источник: "Каçал Ен"