29 июня 2011 г.
И.Гибатдинова кăçал Урмаел вăтам шкулĕнче 6-мĕш класс пĕтерчĕ. Илюзе вĕренÿре аван ĕлкĕрсе пырать, унăн дневникĕнче çулталăкшăн икĕ предметпа кăна «4» тухнă. Тăрăшуллă хĕр ача уйрăмах математика, биологи И.Гибатдинова кăçал Урмаел вăтам шкулĕнче 6-мĕш класс пĕтерчĕ. Илюзе вĕренÿре аван ĕлкĕрсе пырать, унăн дневни-кĕнче çулталăкшăн икĕ предметпа кăна «4» тухнă. Тăрăшуллă хĕр ача уйрăмах математика, биологи тата ытти предметсемпе вĕренÿре малта. «Ÿссен врач пулма ĕмĕтленетĕп. Чирлисене сыватса пархатарлă ĕç тăвас килет, çĕр-шыва усăллă пулма ĕмĕтленетĕп»,— терĕ Илюзе манпа ăшшăн калаçса. Амăшĕ, Нурдание Зартдиновна, Урмаелĕнчи почта çыхăну уйрăмĕнче почтальонкăра тăрăшать. Ашшĕ вара, Наиль Гарефетдинович, 20 çул ытла районти шалти ĕçсен пайĕнче ĕçлет.
Илюзе вĕренÿре кăна мар, обществăлла ĕçсене те хастар хутшăнать. Юрă-ташăпа туслă вăл. Ял поселенийĕнче кăна мар, районти концертсенче те хăйĕн илемлĕ сассипе куракансене тыткăнлать. Пултаруллă Илюзе кăçалхи «Урмай моны» фестивале хутшăнчĕ, виççĕмĕш вырăн йышăнса лауреат пулса тăчĕ, наградăсене тивĕçрĕ.
Источник: "Каçал Ен"